تحدّث الدكتور ذاكر لهيذب أخصائي امراض القلب والشرايين في تونس، اليوم الأربعاء 5 جويلية 2023، عن الشواطئ التونسية وكيفية استغلالها.
وقال في تدوينة على حسابه الرسمي “فيسبوك”، “البحر والسواحل نعمة اعطاهالنا ربي.
البحر يعطي راحة نفسية كبيرة ويخفف من الضغط النفسي (حكاية البحر يجوع راهي صحيحة على خاطر يحسن النفسية ويرجع شاهية الأكل).
البحر كيف يكون نظيف يرفع من المناعة وينظف الجيوب الأنفية والشمس ترفع في نسبة الفيتامين د.
لكن كيفاش يتمتع المواطنين الكل بهاته النعمة ؟؟
كيفاش التونسي الي عندو نفس الحقوق ونفس الواجبات الي يسكن في الاحياء الشعبية والارياف والصحراء يتمتع بالنعمة هذه ؟؟.
كيفاش ذوي الهمم والمسنين وذوي الإحتياجات الخاصة ومرتادي مستشفيات الامراض النفسية يتمتعوا بالنعمة هذه ؟؟
الحلول موجودة:
يلزم نعملوا برنامج كامل للترفيه
برنامج تستعمل فيه الدولة الوسائل المتاحة.
حافلات نقل التلاميذ والطلبة
دور الشباب
برمجة عروض ثقافية مجانية.
السكن في المبيتات العمومية للطلبة والتلاميذ الغير
مستعملة في فصل الصيف.
تهيئة شاطىء شعبي مجاني ( اهم حاجة مجاني ) ونظيف فيه مرافق من بيوت راحة وتغيير ملابس وادواش.
عطلة طيبة للجميع …للجميع وخاصة لقليل الوالي والزوالي.“
