بعد مغادرته نهائيا لإذاعة موزاييك فم، اثر تجربة دامت 20 سنة بسبب زلة لسان، الغالب أنها غير مقصودة في برنامجه، كتب بوبكر عكاشة تدوينة على صفحته الرسمية بموقع التواصل الإجتماعي فايسبوك يتحدث فيها عن مؤهلاته العلمية و حياته المهنية بسخرية مضحكة و مبكية في آن واحد.
نص التدوينة:
“عمري 40 سنة
عندي شوية خبرة في الاذاعة و التلفزة و التدريب الاذاعي و التلفزي
عملت 4 سنين صحافة في معهد الصحافة
خدمت شوية اشهار اذاعي و تلفزي
نفهم شوية في الفلاحة
عملت التنشيط و الحوارات الثقافية و السياسية
شديت مدير في برشة بلايص بعضها رسمي و بعضها غير رسمي كيما في تلفزة من التلافز
نعمل أغلاط ساعة ساعة
نحب نخدم مرتاح بلاش ضغط و ما نحبش عروفات موش فاهمين اش يحبوا ..و الا مع الريح يبدل رايو و ياكل الغلة و بعد يرميك باش يرضي جهات اخرى
ما نحبش عروفات يتعاملو ناس سنة و ناس فرض
أبحث عن عمل … الشهرية تو نتفاهمو فيها”.
و كانت إذاعة موزاييك فم قد قررت إلغاء فقرة “أعطيني حل” من برنامج “على كل لسان” بسبب تسرب عبارة غير أخلاقية!
بلال بوعلي
